နိုင်ငံခြားအစိုးရများသည် ဩစတြေးလျနိုင်ငံရှိ လူပုဂ္ဂိုလ်များအား ၎င်းတို့တွင် ရွေးချယ်ရန်နည်းလမ်းမရှိဘဲ မူရင်းနိုင်ငံသို့ပြန်သွားရတော့မည်သာဖြစ်ကြောင်း နားချသည့် နည်းလမ်းအမျိုးမျိုး အများအပြားကို အသုံးချနိုင်သည်။ ၎င်းကို မူရင်းနိုင်ငံပြန်ရန်အကျပ်ကိုင်ခြင်းဟု ခေါ်သည်။ ၎င်းသည် အောက်ပါတို့ကဲ့သို့ ဖြစ်နိုင်သည်-

• လူပုဂ္ဂိုလ်များ သို့မဟုတ် ၎င်းတို့၏ မိသားစုသာမက အခြားပတ်သက်သူများကို ခရီးသွားလာခွင့် ပိတ်ပင်ခြင်းများ
• ငွေကြေးဆိုင်ရာ ပိုင်ဆိုင်မှုများကို ထုတ်ယူသုံးစွဲခြင်းမှ ပိတ်ပင်ခြင်း
• လူပုဂ္ဂိုလ်တစ်ဦးအား ၎င်းတို့၏ မူရင်းနိုင်ငံသို့ ပြန်သွားစေရန်အတွက် တွန်းအားပေးရန် မိသားစုသာမက အခြားပတ်သက်သူများအား ဖိအားပေးခြင်း။

သင့်အား ပြစ်မှုတစ်ရပ်ဖြင့် စွဲဆိုရန် သင်၏မူရင်းနိုင်ငံသို့ ပြန်လာစေရန်အတွက်လည်း ၎င်းတို့က ခြိမ်းခြောက်နိုင်သည်။

ပြည်နှင်ပေးခြင်းကို သင် ခြိမ်းခြောက်ခံရပါက

ဩစတြေးလျနိုင်ငံ အစိုးရသည် အချို့ နိုင်ငံခြားအစိုးရများက အပြည်ပြည်ဆိုင်ရာဥပဒေဆိုင်ရာ အတင်းအကျပ်ပြုရေး တောင်းဆိုချက်များကို အလွဲသုံးစား လုပ်တတ်သည်ကို သိရှိပါသည်။ ဩစတြေးလျအစိုးရတွင် နိုင်ငံခြားအစိုးရများနှင့် တည်ဆဲဆက်ဆံရေးများရှိနေသော်လည်း ပြည်နှင်ပေးခြင်းဆိုင်ရာတောင်းဆိုသည့် ကိစ္စတိုင်းကို ဩစတြေးလျနိုင်ငံ အမြဲနေထိုင်သူများနှင့် နိုင်ငံသားများအား နိုင်ငံရေးနှိပ်ကွပ်မှုမှ ကာကွယ်ပေးရန်သေချာအောင် သေချာစွာ စုံစမ်းစစ်ဆေးပေးသည်။

အကယ်၍ သင့်အား နိုင်ငံခြားအစိုးရအာဏာပိုင်များက ဆက်သွယ်ပြီး ပြည်နှင်ခံရရန် ခြိမ်းခြောက် လာပါက ဩစတြေးလျနိုင်ငံတွင် အနှောင့်အယှက်ကင်းစွာနေထိုင်ရန် သင်၏အခွင့်အရေးကို ကာကွယ်ပေးထားကြောင်းသေချာစေရန် ရဲတပ်ဖွဲ့ ဖုန်း 131 444  သို့ ဆက်သွယ်ပါ။

အချို့ကိစ္စများတွင် နိုင်ငံခြားအစိုးရများနှင့် ၎င်းတို့၏ ကိုယ်စားလှယ်များသည် လူပုဂ္ဂိုလ်များကို မိမိဆန္ဒအရ မဟုတ်ဘဲ သြစတြေးလျမှထွက်ခွာပေးရန် အတင်းအကျပ်ပြုနိုင်သည်။ ၎င်းကို သြစတြေးလျနိုင်ငံတွင် လက်မခံနိုင်ပါ။

အကယ်၍ သင် သို့မဟုတ် သင်သိသူတစ်ဦးဦးသည် သြစတြေးလျနိုင်ငံမှ အတင်းအဓမ္မ ခေါ်ထုတ်သွားခံရနိုင်သည့် အန္တရာယ်ရှိနေပါက ရဲတပ်ဖွဲ့ ဖုန်း 131 444  ကိုခေါ်ဆိုပါ သို့မဟုတ် အရေးပေါ်အခြေအနေ ဖုန်း 000(Opens in a new tab/window) ကိုခေါ်ဆိုပါ။