သြစတြေးလျနိုင်ငံတက္ကသိုလ်ရှိ ကျောင်းသားတစ်ဦးအနေဖြင့် သင်သည် တွေးခေါ်မှုများနှင့် ယုံကြည်ချက်များကို လွတ်လပ်စွာနှင့် လေးစားစွာ ထုတ်ဖော်ပြောဆိုခွင့်ရှိသည့် လူမှုအသိုင်းအဝိုင်း၏ တစ်စိတ်တစ်ပိုင်းဖြစ်ပါသည်။

ကျောင်းသားများနှင့် သုတေသီများအပါအဝင် လူတိုင်းတွင် လွတ်လပ်စွာ ပြောဆိုရန်နှင့် လုံခြုံသည်ဟု စိတ်ခံစားရရန် အခွင့်အရေးရှိသည်။ မည်သူကမျှ သင့်အား ဖိအားပေးရန်၊ ခြိမ်းခြောက်ရန်၊ စောင့်ကြည့်ရန် သို့မဟုတ် နှောင့်ယှက်ရန် မပြုလုပ်သင့်ပါ — အထူးသဖြင့် နိုင်ငံခြားအစိုးရ သို့မဟုတ် ၎င်းတို့အတွက် လုပ်ကိုင်ပေးသူတစ်ဦးဦးက မလုပ်သင့်ပါ။

ကျောင်းသားများနှင့် သုတေသီများကိုလည်း ဩစတြေးလျနိုင်ငံ၌ရှိနေစဥ် ဩစတြေးလျနိုင်ငံ ဥပဒေများကို လိုက်နာရန် မျှော်လင့်ထားပါသည်။

စိုးရိမ်ပူပန်မှုများကို သတင်းပို့ပါ

အကယ်၍ သင်သည် နိုင်ငံခြား ဝင်ရောက်စွက်ဖက်မှု၌ ပါဝင်လှုပ်ရှားပေးရန် ချဉ်းကပ်ခံရပါက သို့မဟုတ် နိုင်ငံခြား ဝင်ရောက်စွက်ဖက်သည့်လှုပ်ရှားမှုများကို မြင်တွေ့ရပါက National Security Hotline(Opens in a new tab/window) သို့သတင်းပို့ပါ သို့မဟုတ် နောက်တစ်နည်း သတင်းပို့ရမည့် ယန္တရားအဖြစ် သူလျှိုကိစ္စအလားအလာ၊ ဌာနတွင်းသူလျှိုခြိမ်းခြောက်မှုများနှင့် နိုင်ငံခြား ဝင်ရောက်စွက်ဖက်မှုတို့နှင့်စပ်လျဥ်းသည့် စိုးရိမ်ပူပန်မှုများ အတွက် သင် NITRO Portal(Opens in a new tab/window) (သတင်းပို့ရနိုင်သည့် အခင်းဖြစ်ရပ်များ၊ ခြိမ်းခြောက်မှုများ သို့မဟုတ် တိုင်ကြားရနိုင်သော ပြစ်မှုများ) ကိုလည်းအသုံးပြုနိုင်သည်။ အကယ်၍ သင် နိုင်ငံခြား ဝင်ရောက်စွက်ဖက်မှုကို ကြုံတွေ့ရပြီး သို့မဟုတ် မြင်တွေ့ရပြီး ဩစတြေးလျအာဏာပိုင်များထံ သတင်းပို့ပါက သင့်အား ကာကွယ်ပေးမည်ဖြစ်ပြီး သင်၏ ဗီဇာကို ပယ်ဖျက်မည် မဟုတ်ပါ။

National Security Hotline(Opens in a new tab/window) သို့သတင်းပို့သည့်အပြင် နိုင်ငံခြား ဝင်ရောက်စွက်ဖက်မှုများကို သင်၏ တက္ကသိုလ်ကိုယ်စားလှယ်များထံ သတင်းပို့သင့်သည်။ ဤသို့သတင်းပို့ရာ၌ လုံခြုံရေးဝန်ဆောင်ဌာနများ သို့မဟုတ် ကျောင်းသားဝန်ဆောင်ဌာနများ သို့မဟုတ် တက္ကသိုလ်၏ သတ်မှတ်ထားသည့် သတင်းပို့ရေး ဖုန်းလိုင်းတို့အား ဆက်သွယ်ခြင်း ပါဝင်နိုင်သည်။ ဤဝန်ဆောင်ဌာနများသည် ကျောင်းသားလုံခြုံရေးကို လုပ်ဆောင်ပေးရပြီး တင်းကျပ်သောလျှို့ဝှက်အချက်အလက်လမ်းညွှန်များ ထားရှိပေးရသည်။