ရှေ့နေတစ်ဦးသည် သြစတြေးလျနိုင်ငံ လူ့အခွင့်အရေး လူထုဆန္ဒပြပွဲတစ်ခုတွင် မိန့်ခွန်းပြောကြားခဲ့သည်။ မိန့်ခွန်းပြောဆိုပြီးနောက် နိုင်ငံခြားအစိုးရ ညွှန်ကြားချက်အရ အမည်မသိအမျိုးသားတစ်ဦး၏ နောက်ယောင်ခံလိုက်ခြင်း၊ ဓာတ်ပုံရိုက်ခြင်းအပြင် သူမဖခင်၏ ကားအား ဖျက်ဆီးခြင်း ခံခဲ့ရသည်။

သူမသည် နိုင်ငံခြားအစိုးရအကြောင်း မဟုတ်မမှန်သတင်းများ မဖြန့်ဝေရန် ခြိမ်းခြောက်ခံခဲ့ရပြီး နိုင်ငံရပ်ခြားမှ သူမ၏မိသားစုသည် ဩစတြေးလျရှိ ဆွေမျိုးဖြစ်သည့် သူမနှင့်ပတ်သက်၍ မေးမြန်းခံခဲ့ရသည်။ သူမသည် နောက်ထပ်လူထုဆန္ဒပြပွဲတစ်ခု တက်ရောက်ခဲ့သည့်အခါ နိုင်ငံရပ်ခြားရှိ သူမ၏ အစ်ကိုဖြစ်သူကို နိုင်ငံခြားအစိုးရက ထောင်ချခဲ့သည်။

နိုင်ငံခြားအစိုးရကို ဝေဖန်သော အနုပညာရှင်တစ်ဦးက သြစတြေးလျတက္ကသိုလ်ကျောင်းဝင်းတစ်ခုတွင် နံရံကပ်ကြော်ငြာများကို ကပ်ခဲ့သည်။ သက်ဆိုင်ရာသံရုံးက နိုင်ငံခြားအစိုးရ၏ အကျိုးလှုပ်ရှားသည့် ကျောင်းသားအုပ်စုများအား ထိုနံရံကပ်ကြော်ငြာများကိုဖယ်ရှားပေးရန် ညွှန်ကြားခဲ့သည် အဘယ်ကြောင့်ဆိုသော် ကြော်ငြာပါအချက်အလက်ကို ၎င်းတို့သဘောမတူသောကြောင့်ဖြစ်သည်။

သို့သော်လည်း အနုပညာရှင်၏ လွတ်လပ်စွာ ပြောဆိုခွင့်ကို ချိုးဖောက်ရလိမ့်မည်ဖြစ်သဖြင့် ထိုနံရံကပ်ကြော်ငြာများကို တက္ကသိုလ်က မဖယ်ရှားခဲ့ပါ။

နိုင်ငံခြား နိုင်ငံပိုင်ကုမ္ပဏီတစ်ခုသည် ဩစတြေးလျအစိုးရအား မူဝါဒပြောင်းလဲပေးရန် အထက်လွှတ်တော် ကော်မတီ စုံစမ်းမှုတစ်ခုသို့ တင်သွင်းလွှာတစ်စောင် တင်သွင်ခြင်းအားဖြင့် စည်းရုံးလှုံ့ဆော်သည်။

ကုမ္ပဏီ၏တင်သွင်းလွှာတွင် နိုင်ငံခြားအစိုးရ၏အကျိုးစီးပွားနှင့်ပါဝင်ပတ်သက်မှုကို တင်သွင်းလွှာဖြင့် အတိအလင်း ဖော်ပြထားသည်။

လူမှုအသိုင်းအဝိုင်း အဖွဲ့အစည်းတစ်ရပ်နှင့် နိုင်ငံခြားသံရုံးတစ်ရုံးသည် သြစတြေးလျနိုင်ငံတွင် နေထိုင်လျက်ရှိသော ၎င်းတို့မိခင်နိုင်ငံမှ လူမှုအသိုင်းအဝိုင်းအပေါ် သက်ရောက်မှုရှိသည့် အခက်အခဲအား လျှောက်လဲတင်ပြရန်အတွက် သြစတြေးလျနိုင်ငံပါလီမန်အမတ်များထံ ပေးစာမူကြမ်းတစ်စောင် ရေးသားရန် ပူးပေါင်းဆောင်ရွက်ကြသည်။

အဆိုပါစာတွင် နိုင်ငံခြားသံရုံး၏ အကျိုးစီးပွားနှင့် ပါဝင်ပတ်သက်မှုကို အတိအလင်း ဖော်ပြထားသည်။

နိုင်ငံခြားအစိုးရ ကိုယ်စားလှယ်တစ်ဦးသည် လူမှုအသိုက်အဝန်း ပွဲလမ်းတစ်ခုတွင် ဩစတြေးလျနိုင်ငံ၏ မူဝါဒများနှင့် အခက်အခဲကိစ္စရပ်များအပေါ် ၎င်းတို့အစိုးရ၏ အမြင်များကို တင်ပြပြောဆိုသည်။ တင်ပြပြောဆိုသူမှာ နိုင်ငံခြားအစိုးရ၏ ကိုယ်စားလှယ်တစ်ဦးဖြစ်ကြောင်းနှင့် ၎င်းတို့၏ အမြင်များကို ကိုယ်စားပြုနေကြောင်း ပွဲလမ်း၌ ပွင့်လင်းမြင်သာနေပါသည်။

နိုင်ငံခြားအစိုးရတစ်ရပ်၏ တက်တက်ကြွကြွ ပူးပေါင်းဆောင်ရွက်မှုဖြင့် သို့မဟုတ် ညွှန်ကြားမှုဖြင့်၊ ရန်ပုံငွေထောက်ပံ့မှုဖြင့် သို့မဟုတ် ကြီးကြပ်မှုဖြင့် လှုပ်ရှားမှုကို လုပ်ဆောင်နေလျက်ရှိသည်ဟု သင်ယုံကြည်ပါသလား။

• ယုံကြည်သည်။ လှုပ်ရှားမှုသည် နိုင်ငံခြား ဝင်ရောက်စွက်ဖက်မှု ဖြစ်နိုင်သည်။ မေးခွန်း ၂ သို့သွားပါ။
• မယုံကြည်ပါ။ အကယ်၍ လှုပ်ရှားမှုမှာ ကိုယ်ရေးကိုယ်တာကိစ္စကြောင့် လုပ်ပါက ၎င်းသည် နှောင့်ယှက်မှု ဖြစ်နိုင်သော်လည်း နိုင်ငံခြား ဝင်ရောက်စွက်ဖက်မှု အဓိပ္ပါယ်ဖွင့်ဆိုချက်နှင့် ကိုက်ညီမည် မဟုတ်ပါ။ သို့သော်ငြားလည်း နှောင့်ယှက်မှုကို လက်မခံနိုင်သေးပါ နှောင့်ယှက်ခံရသူများအား ကာကွယ်ပေးမှုများ ရှိပါသည်။ သင် အကူအညီအတွက် ရဲကို ဖုန်း 131 444 ဖြင့်ဆက်သွယ်နိုင်ပါသည်။

လူတစ်ယောက်သည် နိုင်ငံခြားအစိုးရ၏ ညွှန်ကြားမှုခံယူနေရသည် ဟုတ်မဟုတ် မိမိသဘောအရ သီးခြားလွတ်လပ်စွာ လုပ်ဆောင်နေသည် ဟုတ်မဟုတ် သိရှိရန် တစ်ခါတစ်ရံ ခက်ခဲနိုင်ပါသည်။ အကယ်၍ သင် မသေချာပါက နောက်မေးခွန်းသို့ သွားပါ။ 

လှုပ်ရှားမှုသည် လူပုဂ္ဂိုလ်တစ်ဦးကို သို့မဟုတ် လူမှုအသိုင်းအဝိုင်းကို ခြိမ်းခြောက်နေပါသလား။

• ဟုတ်ပါသည်။ လှုပ်ရှားမှုသည် နိုင်ငံခြား ဝင်ရောက်စွက်ဖက်မှု ဖြစ်နိုင်သည်။ National Security Hotline(Opens in a new tab/window) သို့သတင်းပို့ပါ။
• မဟုတ်ပါ။ မေးခွန်း ၃ သို့သွားပါ။

လှုပ်ရှားမှုသည် လျှို့ဝှက်သော သို့မဟုတ်၊ လှည့်စားသော လှုပ်ရှားမှုဖြစ်သည် သို့မဟုတ် သြစတြေးလျနိုင်ငံ့ အကျိုးကို နစ်နာမှုဆုံးရှုံးမည့် လှုပ်ရှားမှုဖြစ်သည်ဟု သင်ယုံကြည်ပါသလား။ လှုပ်ရှားမှုသည် သြစတြေးလျနိုင်ငံရှိ လွတ်လပ်ခွင့်များ၊ အဖွဲ့အစည်းများ၊ လူမှုအသိုက်အဝန်းအမြင်များ၊ နိုင်ငံရေးလုပ်ငန်းစဉ်များ သို့မဟုတ် နိုင်ငံရေးစနစ်တို့ကို ဝင်ရောက်စွက်ဖက်ရန် ကြိုးပမ်းပါသလား။ လူပုဂ္ဂိုလ်တစ်ဦးသည် သင့်အား လှည့်စားရန်နှင့် ၎င်း၏နိုင်ငံခြားအစိုးရတစ်ရပ်နှင့်အချိတ်အဆက်များကို ဖုံးကွယ်ရန် ကြိုးစားနေပါသလား။

• ဟုတ်ပါသည်။ လှုပ်ရှားမှုသည် နိုင်ငံခြား ဝင်ရောက်စွက်ဖက်မှု ဖြစ်နိုင်သည်။ National Security Hotline(Opens in a new tab/window) သို့သတင်းပို့ပါ။
• မဟုတ်ပါ။ သင်၏ ဖြေကြားမှုကို အခြေခံသော် လှုပ်ရှားမှုသည် နိုင်ငံခြား ဝင်ရောက်စွက်ဖက်မှု အဓိပ္ပါယ်ဖွင့်ဆိုချက်နှင့် မကိုက်ညီနိုင်ပါ။