ሓንቲ ብናይ ወጻኢ መንግስቲ ትውነን ኩባንያ ናብ ኮሚተ ባይቶ ምምርማር (Senate Committee Inquiry) ጽሑፍ ብምቕራብ እቲ መንግስቲ ኣውስትራልያ ናይ ፖሊሲታት ለውጢ ንኽገብር ጎስጓስ (ሎቢ) ገበረት። እቲ ዝቐረበ ጽሑፍ ነቲ ናይ ወጻኢ መንግስቲ ረብሓታት ከምኡውን ኣብቲ እቲ ኩባንያ ዘቕረቦ ጽሑፍ ዘለዎ ተሳትፎ ብጋህዲ ዝገልጽ ኢዩ።

ሓደ ናይ ማሕበረሰብ ትካልን ናይ ወጻኢ መንግስቲ ኤምባሲን ብዛዕባ ኣብ ኣውስትራልያ ዘሎ ማሕበረሰቦም (ዳያስፖራ) ዝጸሉ ጕዳያት ንምጥባቕ ንኣባላት ፓርላማ ኣውስትራልያ ደብዳበ ንምድላው ብሓባር ይሰርሑ።

እታ ደብዳበ ረብሓታትን ተሳትፎን እቲ ኤምባሲ ወጻኢ ብጋህዲ ትገልጽ።

ሓደ ናይ ወጻኢ መንግስቲ ተወካሊ እቲ መንግስቶም ብዛዕባ ፖሊሲታትን ጕዳያትን ኣውስትራልያ ዘለዎ ኣረኣእያ ኣብ ሓደ ናይ ማሕበረሰብ ጉዳይ/ፍጻመ የካፍል። እቲ ጉዳይ/ፍጻመ እቲ ተዛራባይ ናይ ወጻኢ መንግስቲ ተወካሊ ከም ዝዀነን ኣረኣእያኡ ድማ ነቲ መንግስቲ ወጻኢ ከም ዝውክልን ንጹር ይገብር።

እቲ ንጥፈት ምስ ናይ ወጻኢ መንግስቲ ብንጡፍ ብምትሕብባር ዝግበር ወይ ብናይ ወጻኢ መንግስቲ ዝምራሕ፣ ብገንዘብ ዝምወል ወይ ዝቆጻጸሮ እዩ ኢልካ ትኣምን ዶ?

• እወ። እቲ ንጥፈታት ናይ ወጻኢ ጣልቃ ኣታዊነት ክኸውን ይኽእል እዩ። ናብ ሕቶ 2 ኺድ።
• ኣይፋልን። እቲ ንጥፈት ብውልቃዊ ምኽንያት ዝካየድ እንተኾይኑ ምግፋዕ ክኸውን ይኽእል እዩ፣ ግን ነቲ ናይ ወጻኢ ጣልቃ ኣታዊነት ትርጉም ከየማልእ ይኽእል እዩ። ይኹን እምበር፣ ገና ምግፋዕ ግቡእ ኣይኮነን፣ ንዝግፍዑ ሰባት ድማ ዝግበር ሓለዋታት ኣሎ። ሓገዝ ንምርካብ ብ 131 444 ብምድዋል ምስ ፖሊስ ክትራኸብ ትኽእል ኢኻ ።

ሓደ ሓደ ግዜ ሓደ ሰብ ብናይ ወጻኢ መንግስቲ ይምራሕ ከምዘሎ ወይ ብውልቁ ይዋሳእ ክምዘሎ ንምፍላጥ ከጸግሞ ይኽእል እዩ። ርግጸኛ እንተ ዘይኴንካ፣ ናብ ዝቕጽል ሕቶ ኪድ።

እቲ ንጥፈት ኣብ ሓደጋ ዘእቱ ንሓደ ውልቀ ሰብ ድዩ ወይ ንማሕበረሰብ?

• እወ። እቲ ንጥፈታት ናይ ወጻኢ ጣልቃ ኣታዊነት ክኸውን ይኽእል እዩ። በጃኻ ንሃገራዊ ድሕንነት ቀጥታ መስመር(Opens in a new tab/window)(Opens in a new tab/window)/National Security Hotline አፍልጥ/ሪፖርት ግበር።
• ኣይፋልን። ናብ ሕቶ 3 ኺድ።

እቲ ንጥፈት/ተግባር ምስጢራዊ ወይ መታለልን ንረብሓ ኣውስትራልያ ዝጎድእን’ዩ ኢልካ ትኣምን ዶ? እቲ ንጥፈት ኣብ ናጽነታት፣ ትካላት፣ ኣረኣእያታት ማሕበረሰብ፣ ፖለቲካዊ መስርሕ ወይ ኣብ ፖለቲካዊ ስርዓት ኣውስትራልያ ጣልቃ ክኣቱ ይፍትን ድዩ? እቲ ሰብ ከታልለካን ምስ ናይ ወጻኢ መንግስቲ ዘለዎ ምትእስሳር ክሓብኣካን ይፍትን ኣሎ ዶ?

• እወ። እቲ ንጥፈታት ናይ ወጻኢ ጣልቃ ኣታዊነት ክኸውን ይኽእል እዩ። በጃኻ ንሃገራዊ ድሕንነት ቀጥታ መስመር(Opens in a new tab/window)(Opens in a new tab/window)/National Security Hotline አፍልጥ/ሪፖርት ግበር።
• ኣይፋልን። በቲ ዝሃብካዮ መልስታት መሰረት፣ እቲ ንጥፈት ነቲ ናይ ወጻኢ ጣልቃ ኣታውነት ትርጉም ከየማልእ ይኽእል እዩ።