ཕྱི་རྒྱལ་གྱི་ཐེ་ཇུས་ཟེར་ན་གང་རེད་དམ།
སྐབས་རེ་ཕྱི་རྒྱལ་གྱི་ཐེ་ཇུས་ཟེར་བ་འདི་ངོས་འཛིན་བྱེད་པར་ཁག་པོ་ཡོད་སྲིད།
ཕྱི་རྒྱལ་གྱིས་ཐེ་བྱུས་བྱེད་སྟངས་རིགས་མི་འདྲ་བ་མང་པོ་ཡོད་སྲིད།
དཔེར་བརྗོད། ༡༽ སྲིད་གཞུང་འགའ་ཤས་ཀྱིས་ལྟ་བ་མི་འདྲ་བ་བརྗོད་མཁན་གྱི་མི་ཚོར་འཇིགས་སྐུལ་ཡང་ན་སུན་གཙེར་བརྙས་བཅོས་བྱེད་སྲིད།
ཨོ་སི་ཊོ་ལི་ཡའི་འགྲོ་བ་མིའི་ཐོབ་ཐང་གི་འདུ་འཛོམས་ཞིག་གི་སྐབས་ལ་ཁྲིམས་རྩོད་པ་ཞིག་གིས་གཏམ་བཤད་གནང་བ་རེད། གཏམ་བཤད་དེ་གྲུབ་རྗེས་མི་ངོ་མ་ཤེས་པ་ཞིག་གིས་རྗེས་འདེད་བཏང་ནས་པར་བརྒྱབ་པ་དང་ཕྱི་རྒྱལ་གཞུང་གི་ལམ་སྟོན་འོག་མོའི་པ་ལགས་ཀྱི་རླངས་འཁོར་གཏོར་བཤིག་བཏང་བ་རེད།
ཕྱི་རྒྱལ་གྱི་གཞུང་གིས་མོ་ལ་ཁོ་ཚོའི་སྐོར་ལ་རྫུན་གཏམ་སྤེལ་མི་ཆོག་པའི་འཇིགས་སྐུལ་བྱས་པ་དང་མོའི་ཕྱི་རྒྱལ་དུ་ཡོད་པའི་ནང་མི་ཚོར་ཁོང་ཚོའི་ཨོ་སི་ཊོ་ལི་ཡའི་གཉེན་ཉེ་ཚོའི་སྐོར་དྲི་བ་དྲིས་པ་རེད། མོ་རང་ངོ་རྒོལ་འདུ་འཛོམས་གཞན་ཞིག་ལ་ཞུགས་པའི་རྗེས་སུ་ཕྱི་རྒྱལ་གྱི་སྲིད་གཞུང་གིས་མོའི་ཕྱི་རྒྱལ་དུ་ཡོད་པའི་སྤུན་མཆེད་དེ་བཙོན་འཇུག་བྱས་པ་རེད།
དཔེར་བརྗོད། ༢༽ ཕྱི་རྒྱལ་གྱི་སྲིད་གཞུང་འགའ་ཞིག་གིས་གཏམ་བརྗོད་ཀྱི་རང་དབང་ལ་སྟངས་འཛིན་བྱེད་ཐབས་བྱེད་སྲིད།
ཨོ་སི་ཊོ་ལི་ཡའི་གཙུག་ལག་མཐོ་སློབ་ཞིག་གི་ནང་ཕྱི་རྒྱལ་གྱི་སྲིད་གཞུང་ཞིག་ལ་སྐྱོན་བརྗོད་བྱེད་མཁན་གྱི་སྒྱུ་རྩལ་བ་ཞིག་གིས་གསལ་བསྒྲགས་སྦྱར་ཡིག་སོགས་འགྲེམས་སྟོན་བྱས་པ་རེད།
ཕྱི་རྒྱལ་གཞུང་གི་ཁེ་ཕན་ཆེད་དུ་ལས་འགུལ་སྤེལ་མཁན་སློབ་ཕྲུག་ཚོགས་པ་ཁག་ཅིག་ལ་འབྲེལ་ཡོད་གཞུང་ཚབ་ལས་ཁུངས་ཀྱིས་སྐུལ་མ་བཏང་ནས་ཁོང་ཚོས་གསལ་བསྒྲགས་སྦྱར་ཡིག་གི་ནང་དོན་དེར་མོས་མཐུན་མེད་པའི་རྐྱེན་གྱིས་སྦྱར་ཡིག་དེ་དག་མེད་པ་བཟོ་དགོས་པའི་སྙན་ཞུ་བཏང་བ་རེད།
ཡིན་ནའང་གཙུག་ལག་མཐོ་སློབ་ཆེན་མོས་སློབ་གྲྭ་ཆེན་མོས་སྦྱར་ཡིག་དེ་དག་ཕྱིར་འཐེན་བྱས་མེད། གང་ཡིན་ཟེར་ན་དེ་ལྟར་བྱས་ན་རི་མོ་མཁན་གྱི་རང་དབང་ལ་འགལ་འགྲོ་ངེས།
བསམ་ཚུལ་དང་གཏམ་བརྗོད་ཀྱི་རང་དབང་ཟེར་ན་གང་ཞིག་རེད་དམ།
བསམ་ཚུལ་དང་གཏམ་བརྗོད་ཀྱི་རང་དབང་ནི་མི་སུ་ཡིན་རུང་རང་ཉིད་ཀྱི་ལྟ་ཚུལ་འཛིན་པ་དང་གཏམ་བརྗོད་བྱེད་པའི་ཐོབ་ཐང་ཡོད་པ་དང། གཞན་གྱིས་ཞིབ་བཤེར་མ་བྱེད་པར་རང་གི་བྱ་སྤྱོད་ཀྱི་ཐོབ་ཐང་ཡོད་པ་ལ་གོ། སྤྱོད་ལམ་འདི་དག་ནང་སྤྱི་པའི་བྱ་དོན་སྐོར་ལ་རང་དབང་ཐོག་གྲོས་བསྡུར་བྱེད་ཆོག་པ་དང་། གཞན་དང་མི་མཐུན་པའི་ལྟ་ཚུལ་འཛིན་ཆོག་པ། ཞི་བའི་ངང་ནས་ངོ་རྒོལ་དང་ཚོགས་འདུ་བྱེད་ཆོག་པ་བཅས་ཚུད་ཡོད།
དཔེར་བརྗོད། ༣༽ ཕྱི་རྒྱལ་གྱི་སྲིད་གཞུང་འགའ་ཞིག་གིས་ཁོ་ཚོར་སྐྱོན་བརྗོད་བྱེད་མཁན་ཚོ་ཁུ་སིམ་མེར་སྡོད་པར་དྲ་ཐོག་ཏུ་ལས་འགུལ་སྤེལ་སྲིད།
གསར་འགོད་པ་ཞིག་གིས་ཕྱི་རྒྱལ་གཞུང་ཞིག་ལ་སྐྱོན་བརྗོད་བྱས་པའི་བརྒྱུད་ལམ་རྩོམ་ཡིག་ཅིག་བྲིས་ཡོད།
དེ་རྗེས་གསར་འགོད་པ་དེ་ཕྱི་རྒྱལ་གཞུང་ཞིག་གིས་ཁ་ཕྱོགས་སུ་བསྒྱུར་བའི་མཐུན་སྦྱོར་ལས་འགུལ་ཞིག་གིས་དྲ་ཐོག་ཏུ་དམིགས་འབེན་བཟུང་ནས་ཁོང་ཚོར་མིང་སྐྱོན་འཛུགས་པ་དང་མིང་ངན་སྤྲོད་ཡོད།
གསར་འགོད་པ་དེའི་གློག་འཕྲིན་དང་སྤྱི་ཚོགས་འབྲེལ་མཐུད་ནང་ཆོག་མཆན་མེད་པར་འཛུལ་ཞུགས་བྱས་པ་དང་ཁོང་ཚོའི་སྒེར་གྱི་གནས་ཚུལ་དེའི་ནང་ཡོད་པའི་ཁ་པར་ཨང་གྲངས་དང་ཁྱིམ་གྱི་ཁ་བྱང་སོགས་དྲ་ཐོག་ཏུ་བཀྲམས་པ་རེད།
གསར་འགོད་པར་སྤྱི་ཚོགས་འབྲེལ་མཐུད་ཁ་བྱང་རྫུན་མ་མང་པོ་ཞིག་ནས་གསར་འགོད་པས་རྩོམ་ཡིག་དེ་མེད་པ་བཟོ་དགོས་པ་དང་དེའི་ཆེད་དུ་དགོངས་སེལ་ཞུ་དགོས་པའི་བརྡ་འཕྲིན་མང་པོ་བཏང་བ།
ཕྱི་རྒྱལ་གྱི་ཐེ་ཇུས་མིན་པའི་གནས་ཚུལ་གང་ཞིག་རེད་དམ།
ང་ཚོའི་རིགས་གནས་སྣ་མང་གྱི་སྤྱི་ཚོགས་ནང་གི་ཉམས་མྱོང་དང་ལྟ་ཚུལ་སྣ་ཚོགས་ཡོད་པ་དེ་ནུས་ཤུགས་ཤིག་ཡིན།
ཨོ་སི་ཊི་ལི་ཡའི་ནང་ཆབ་སྲིད་ཀྱི་མཉམ་ཞུགས་དང་རྩ་དོན་འཐབ་རྩོད་ལ་རྒྱབ་སྐྱོར་བྱ་རྒྱུ་དེ་ཁྲིམས་མཐུན་ཡིན་པ་མ་ཟད་ང་ཚོས་ཐོབ་ཐང་དེ་སྲུང་སྐྱོབ་ཀྱང་བྱེད་ཀྱིན་ཡོད།
ཨོ་སི་ཊོ་ལི་ཡའི་གཞུང་ཁོ་ན་ཚུད་པའི་ཕྱི་རྒྱལ་གཞུང་ཚང་མས་ཨོ་སི་ཊོ་ལི་ཡའི་ནང་གི་གནད་དོན་དང་སྲིད་བྱུས་གལ་ཆེན་ཁག་ལ་ཤུགས་རྐྱེན་སྤྲོད་ཐབས་བྱེད་བཞིན་ཡོད། གལ་སྲིད་བྱེད་སྒོ་གང་ཞིག་ཕྱི་གསལ་ནང་གསལ་དང་། ཁ་གསལ་བདེ་པོའི་ངང་ནས་ལག་བསྟར་བྱས་ཡོད་པ་དང་། ང་ཚོའི་མི་དམངས་དང་སྤྱི་ཚོགས། དམངས་གཙོའི་ལམ་ལུགས་བཅས་ལ་བརྩི་བཀུར་ཡོད་པའི་ཐོག་ནས་བྱས་ཡོད་པ་ཡིན་ན། བྱ་བ་འདི་དག་ཕྱི་རྒྱལ་གྱི་ཐེ་ཇུས་མིན།
ང་ཚོས་གཞུང་གཞན་གྱིས་ཨོ་སི་ཊོ་ལི་ཡའི་མི་དམངས་དང་སྤྱི་ཚོགས། དེ་བཞིན་སྒྲིག་འཛུགས་ཁག་ལ་གུས་ཞབས་ཡོད་པའི་ཐོག་ནས་བྱ་སྤྱོད་སྤེལ་རྒྱུ་རེ་བ་བྱེད་ཀྱི་ཡོད། དེ་ལྟར་བྱས་ན་ཁོང་ཚོའི་བྱེད་སྒོ་དེ་དག་གིས་ཨོ་སི་ཊོ་ལི་ཡར་ཕན་ཐོགས་ཡོང་ཐུབ།
ཕྱི་རྒྱལ་ཐེ་ཇུས་ཀྱི་བྱེད་སྒོ་གང་ལྟར་ཐོ་འགོད་བྱེད་དགོས་སམ།
ཕྱི་རྒྱལ་གཞུང་ངམ་ཡང་ན་ཕྱི་རྒྱལ་གཞུང་གི་སྐུ་ཚབ་ཀྱི་བྱེད་སྒོ་འགའ་ཞིག་ཨོ་སི་ཊོ་ལི་ཡའི་ཕྱི་རྒྱལ་གྱི་ཤུགས་རྐྱེན་ཐད་གསལ་བཤད་ཀྱི་ལམ་ལུགས་(Opens in a new tab/window)(Opens in a new tab/window)འོག་ཐོ་འགོད་བྱེད་དགོས་ཡོད་སྲིད
རང་ཉིད་ལ་འདྲི་དགོས་པའི་དྲི་བ་ཁག།
ཕྱི་རྒྱལ་གྱི་ཐེ་ཇུས་ཡིན་སྲིད་པའི་ལས་དོན་ཞིག་ཡིན་མིན་ཐག་གཅོད་བྱེད་པར་རང་ཉིད་ལ་དྲི་བ་འདི་དག་གཏོང་དགོས།