နိုင်ငံခြား အစိုးရ တစ်ရပ်ရပ်အနေဖြင့် ဩစတြေးလျနိုင်ငံတွင် လူပုဂ္ဂိုလ်များက မိမိတို့၏ အခွင့်အရေးများနှင့် လွတ်လပ်ခွင့်များအား သုံးစွဲခြင်းကို တားဆီးသည့်နည်းလမ်းများဖြင့် ကျွန်ုပ်တို့၏ လူမှုအသိုင်းအဝိုင်း အဖွဲ့ဝင်များအား ပစ်မှတ်ထားခြင်းကို လက်မခံနိုင်ပါ။
သြစတြေးလျနိုင်ငံရှိ လူတိုင်းတွင် လုံခြုံကြောင်းခံစားရရန်အခွင့်အရေး၊ ပါဝင်မှုရှိရန်အခွင့်အရေးနှင့် လူမှုအသိုင်းအဝိုင်းနှင့် အများပြည်သူလူမှုဘဝတွင် ပါဝင်လုပ်ဆောင်ရန်အခွင့်အရေး ရှိသည်။ ဤအားသာချက်အားဖြင့် ကျွန်ုပ်တို့၏ လူမှုအဖွဲ့အစည်းကို ကျောထောင့်နောက်ခံပြုထားပါသည်။
သြစတြေးလျနိုင်ငံအစိုးရကို လွတ်လပ် မျှတသော ရွေးကောက်ပွဲများမှတစ်ဆင့် ရွေးချယ်တင်မြှောက်ပြီး သင်၏ မဲပေးပိုင်ခွင့်ကို အကာအကွယ်ပေးထားကာ သင်မည်သူ့အား မဲပေးလိုက်သည့် အကြောင်းအချက်အလက်ကို လျှို့ဝှက်ထားရှိကြောင်း သေချာစေရန် ပုံဖော်ထားပါသည်။
နိုင်ငံခြား ဝင်ရောက်စွက်ဖက်မှုသည် ဩစတြေးလျနိုင်ငံနှင့် နေထိုင်သည့်လူတိုင်းအား ထိခိုက်နစ်နာစေနိုင်သည်။
နိုင်ငံခြား ဝင်ရောက်စွက်ဖက်မှုကို တွန်းလှန်ရန် ကျွန်ုပ်တို့အားလုံးတွင် တာဝန်ရှိသည် သို့မှသာ ကျွန်ုပ်တို့ လုံခြုံပြီး အားလုံးအတူစုပေါင်းနေထိုင်နိုင်သော လူမှုအဖွဲ့အစည်အတွင်း ဆက်လက်နေထိုင်နိုင်မည် ဖြစ်ပါသည်။
နိုင်ငံခြား ဝင်ရောက်စွက်ဖက်မှုသည် ဩစတြေးလျနိုင်ငံတွင် ရာဇဝတ်ပြစ်မှု တစ်ခုဖြစ်ပြီး ဓနသဟာယ ရာဇဝတ်ဆိုင်ရာကိုဓ အက်ဥပဒေ ၁၉၉၅ (Commonwealth Criminal Code Act 1995(Opens in a new tab/window)) အရ ထောင်ဒဏ် 20 နှစ်အထိ ပြစ်ဒဏ်ချမှတ်နိုင်ပါသည်။